Главная » 2016 » Dekabr » 29 » Alisher Usmonov O‘zbekistonga qaytishi mumkin?!

---

16:11 Alisher Usmonov O‘zbekistonga qaytishi mumkin?!

Xalqaro qilichbozlik federatsiyasi prezidenti Alisher Usmonov shu lavozimidagi faoliyati tugaganidan so‘ng, Rossiya soliq rezidenti maqomida qolishini ma'lum qildi. Bu haqda biznesmen "Rossiya 24” telekanaliga bergan intervyusi chog‘ida aytib o‘tdi.   Alisher Usmonovning so‘zlariga ko‘ra, u O‘zbekiston Respublikasi fuqaroligini olishga tayyor. Agar O‘zbekistondan taklif bildirilmasa, u Rossiya fuqarosi sifatida o‘z faoliyatini davom ettiradi.   Gap shundaki, Xalqaro qilichbozlik federatsiyasi ofisi Shveysariyaning Lozanna shahrida, federatsiya prezidentining ofisi esa Monakoda joylashgan. Shu tariqa Alisher Usmonov o‘zini "Xalqaro xizmat safaridagi fuqaro”, deya atadi.   Rossiya Federatsiyasi qonunlariga ko‘ra, fuqaro bir yil ichida 183 kundan ortiq vaqt davomida mamlakat tashqarisida bo‘lsa, u soliq rezidenti hisoblanmaydi.   Ayni vaqtda esa Alisher Usmonov federatsiyadagi faoliyati tufayli shunday sharoitda yashashga majbur ekanligini qo‘shimcha qildi.

1 2 3 4 5 Категория: Har-Hil | Просмотров:2158 | Добавил: Admin | Теги: Alisher Usmonov O‘zbekistonga qayti | Рейтинг: 0.0/0

Всего комментариев: 0