Главная » 2020 » Aprel » 24 » Italiyada bir sutka ichida koronavirusdan sog‘ayganlar bo‘yicha rekord ko‘rsatkich qayd etildi

---

12:18 Italiyada bir sutka ichida koronavirusdan sog‘ayganlar bo‘yicha rekord ko‘rsatkich qayd etildi

Italiyada o‘tgan bir sutka ichida 3 mingga yaqin bemor koronavirusdan tuzalishga muvaffaq bo‘ldi. Bu haqda mamlakat Fuqarolik mudofaasi xizmati boshlig‘i Anjelo Borrelliga tayanib, ANSA agentligi xabar berdi. Borrellining ta’kidlashicha, ushbu ko‘rsatkich mamlakatda pandemiya boshlanganidan buyon rekord hisoblanadi. Shu bilan birga, o‘tgan bir sutka ichida Italiyada yana 2,6 ming kishida koronavirus aniqlangan. "Bugungi raqamlar alohida dalda beradigan. Sog‘ayganlar va shifoxonadan javob berilganlar soni kasallikka yangi chalinganlar sonidan ko‘proq”, — deydi Borrelli. Ta’kidlanishicha, Italiyada koronavirus bilan kasallanganlar soni 189,9 ming kishidan oshgan bo‘lib, ularning 57,5 ming nafari sog‘ayishga muvaffaq bo‘lgan. Shuningdek, 25,5 ming bemor vafot etgan. Mamlakatda COVID-19 bilan kasallanish bo‘yicha yangi holatlar ketma-ket to‘rtinchi kun kamayishda davom etmoqda. So‘nggi ma’lumotlarga ko‘ra, O‘zbekistonda koronavirusdan tuzalganlar soni 563 nafarga yetdi. Eslatib o‘tamiz, O‘zbekistonda 24-aprel soat 10:00 holatiga ko‘ra koronavirus infeksiyasini yuqtirib olish bilan bog‘liq jami holatlar soni 1778 tani tashkil etmoqda. Bemorlarning yetti nafari vafot etgan.

1 2 3 4 5 Категория: Har-Hil | Просмотров:569 | Добавил: moderator | Теги: yangilik | Рейтинг: 0.0/0

Всего комментариев: 0