Главная » 2020 » Mart » 11 » Toshkentdagi 100 ga yaqin tibbiy muassasada elektron tibbiy karta joriy etiladi

---

21:03 Toshkentdagi 100 ga yaqin tibbiy muassasada elektron tibbiy karta joriy etiladi

O‘zbekiston Prezidenti Shavkat Mirziyoyev 10-mart, seshanba kuni, mamlakat hayotining qator sohalarida amalga oshiriladigan loyihalar taqdimoti bilan tanishgani haqida xabar berilgan edi. Loyihalar bilan tanishish jarayonida Prezident 2020-yilda bolalar bog‘chasi, masofaviy ta’lim, shahar jamoat transportlari uchun yagona elektron chipta, qurilishni nazorat qilish, elektron tibbiyot kartasi kabi yangi dasturiy ta’minotlar ishlab chiqish va tatbiq etish bo‘yicha topshiriqlar berdi. Qayd etilishicha, elektron tibbiyot kartasi joriy etilsa, shifokorlarning qog‘oz to‘ldirishga ketadigan vaqti ancha qisqarib, aholi bilan ishlashi uchun ko‘proq imkoniyat bo‘ladi. Shu maqsadda Toshkent shahridagi 15 ta ixtisoslashtirilgan ilmiy-amaliy tibbiyot markazi, 11 ta ko‘p tarmoqli tibbiyot markazi hamda 62 ta poliklinika "Yagona elektron tibbiy karta” va "Elektron poliklinika” axborot tizimiga ulanib, xususiy klinikalar bilan integratsiya qilinadi. Bunday tizim boshqa soha va tarmoqlarda ham tatbiq etiladi. Shuningdek, dasturiy mahsulotlar uzluksiz va samarali ishlashi uchun infratuzilma zarurligi qayd etildi. Barcha davlat muassasalarini yuqori tezlikda ma’lumot uzatish tarmog‘iga ulash, zamonaviy kompyuter texnologiyalari bilan ta’minlash vazifasi qo‘yildi. Aholi, ayniqsa, yoshlar orasida raqamli ko‘nikmalarni takomillashtirish, "Bir million dasturchi” loyihasini amalga oshirish belgilangan. Ta’kidlanishicha, bugungi kunda Toshkent shahrida 600 dan ortiq sog‘liqni saqlash, maktabgacha ta’lim muassasalari va maktablar yuqori tezlikdagi internetga ulangan. Ammo ushbu yo‘nalishda qilinayotgan ishlar hali ham yetarli emasligi ko‘rsatib o‘tildi. Eslatib o‘tamiz, O‘zbekistonda 2021-yildan boshlab majburiy tibbiy sug‘urta tizimining bosqichma-bosqich joriy etilishi rejalashtirilgan.

1 2 3 4 5 Категория: Har-Hil | Просмотров:552 | Добавил: moderator | Теги: yangilik | Рейтинг: 0.0/0

Всего комментариев: 0