Главная » 2020 » Fevral » 19 » Turkmanistonda o‘qituvchilar yashil rangdagi bloknot va ruchkalardan foydalanishga majburlanmoqda

---

13:36 Turkmanistonda o‘qituvchilar yashil rangdagi bloknot va ruchkalardan foydalanishga majburlanmoqda

Turkmaniston poytaxti Ashxobod shahrida o‘qituvchilarga yashil rangdagi bloknot va ruchkalardan foydalanish buyurildi, deb xabar berdi "Xroniki Turkmenistana”. Qayd etilishicha, poytaxtdagi 2, 4, 7-o‘rta maktab o‘qituvchilarining har biri 45 manatdan (123 ming so‘m) turadigan turkman gilami nusxasi tushirilgan yashil rangdagi ruchkadan beshtadan va 50 manatlik (136 ming so‘m) yashil bloknotdan sotib olishga majburlanmoqda. Bir xil ruchkalar va bloknotlar o‘qituvchilar majlislar paytida foydalanishi uchun zarurligi aytilmoqda. Bunday ruchkalar Turkmaniston buyurtmasiga ko‘ra, Rossiya, Turkiya va Xitoyda ishlab chiqarilgani uchun qimmat hisoblanadi. Xabarda aytilishicha, turkmanistonlik amaldorlar hamda mamlakat kuchishlatar tizimi rahbarlari prezident bilan uchrashuvda faqat yashil rangdagi bloknot va ruchkalardan foydalanadi. Oq va yashil Turkmaniston prezidenti Gurbanguli Berdimuhammedovning sevimli ranglari hisoblanadi. Mamlakat rahbariga yashil o‘ramdagi gullar beriladi, u yashil sport kiyimlarini kiyadi va yashil velosiped minadi. Avvalroq Turkmanistonda 1-fevraldan e’tiboran davlat muassasalari va korxonalarining 40 yoshdan oshgan erkak xodimlariga sochlarini qoraga bo‘yash taqiqlangani haqida xabar berilgan edi.

1 2 3 4 5 Категория: Har-Hil | Просмотров:526 | Добавил: moderator | Теги: yangilik | Рейтинг: 0.0/0

Всего комментариев: 0