Главная » 2017 » Iyun » 14 » Xorazmda Komiljon Otaniyozov uchun maqbara quriladi

---

20:31 Xorazmda Komiljon Otaniyozov uchun maqbara quriladi

Murakkab xalq ashulalari, Xorazm lazgisi, maqom, suvora, dostonlarni qoyilmaqom tarzda kuylab, o‘zbek milliy mumtoz qo‘shiqchilik san'atining rivojiga munosib hissa qo‘shgan O‘zbekiston xalq artisti Komiljon Otaniyozov tavalludining 100 yilligiga tayyorgarlik ko‘rish va uni yuqori saviyada o‘tkazishga katta taraddud ko‘rilmoqda.Xorazm viloyatining Urganch shahrida Komiljon Otaniyozov uy-muzeyi, Urganch tumanidagi G‘alaba qishlog‘ida Komiljon Otaniyozov nomidagi bog‘ majmuasi va uning tarkibida ijod markazini barpo etish rejalashtirilgan.   Ustoz san'atkor dafn etilgan "Imorat bobo” qabristoni hududida yangi masjid qurilishi izchil davom etyapti.   Yubiley doirasida Xorazm viloyati musiqali drama teatrida o‘tkaziladigan xotira kechasi, uning hayoti va ijodiy faoliyatiga bag‘ishlangan ko‘rgazma, Shovot tumanidagi Komiljon Otaniyozov nomidagi madaniyat va istirohat bog‘ida uyushtiriladigan ustoz qo‘shiqlari ijrochilarining respublika ko‘rik-tanlovi, Xiva "Ichan qal'a” davlat muzey-qo‘riqxonasining "Ko‘hna Ark” majmuasida gala-konsert bo‘lib o‘tadi.

1 2 3 4 5 Категория: Har-Hil | Просмотров:1689 | Добавил: Admin | Теги: Xorazmda Komiljon Otaniyozov uchun | Рейтинг: 0.0/0

Всего комментариев: 0